По повод Велигденските празници во СОУУД „Димитар Влахов“ – Струмица беше организиран хуманитарен Велигденски базар исполнет со радост, креативност и хуманост. Учениците, заедно со корисниците од здружението за поддршка на лица со Даунов синдром „Вера“ – Струмица, изработија велигденски украси и производи, споделувајќи насмевки, топлина и заедништво. Инклузијата не е само збор – таа е начин на живот. Преку ваквите активности, нашето училиште покажува дека секој човек е вреден и заслужува прифаќање, почит и поддршка. Различностите не нè делат, туку нè збогатуваат и нè прават посилни како заедница. Собраните средства од базарот ќе бидат донирани на лица од ранливи категории, со што уште еднаш се потврдува значењето на хуманоста и солидарноста. Нека овој настан биде поттик да продолжиме да шириме љубов, разбирање и прифаќање – затоа што светот е поубав кога има место за сите. Среќни Велигденски празници