На 05 мај 2026 година, во просториите на СОУУД „Димитар Влахов“ ќе се одржи Втората научно-едукативна средношколска конференција – Струмица 2026. Конференцијата има за цел да го поттикне научно-истражувачкиот дух кај младите, да ја афирмира креативноста и иновативноста на средношколците и да создаде поврзаност помеѓу образованието, науката и бизнис секторот. Во рамки на конференцијата ќе се реализираат четири научно-едукативни сесии од следните области: -Земјоделие и прехрана -Преработка на храна -Медицина и здравствена наука -Варија (ИТ, инженерство и социјални науки) Дополнително ќе се одржи постер сесија под мотото „Моите достигнувања на парче хамер хартија“, на која учениците ќе ги претстават своите истражувања, проекти и успеси од натпревари. Предвидена е и панел-дискусија со модераторите на конференцијата, како и свечено доделување сертификати за учесниците и благодарници за поддржувачите.